Tsiky ve dia ampy ? (anarim)

Nantsain'i Anarim
(Nalaina tao amin'ny vetso.serasera.org)
Tsiky ve dia ampy
Raha manetoka ny fery
ka ty masoko mijery
manganohanon-dranomaso ?

Tsiky ve dia ampy
Raha tsy to ny famololony
f’ilay fitiavana natolony
nosomparan’ny ankaso ?

Eny ary, hitsiky aho !
Hanantena famonjena
Avy amin’ny tsikinao
--------
Rohy:
Sokajy : Fitiavana - Fanantenana
2170 2
Hevitra mandeha
hery ( 20/08/2008 11:13)
Hmmm
ANARIM ( 22/08/2008 15:07)
hmmmm
raozigasy ( 27/08/2008 10:59)
MITSIKIA IHANY

Raha manetoka ny fery
Ka ny masonao mijery
Mila ho dibo-dranomaso
Noho ny sompatry ny ankaso

Raha mikombona ny molony
Fa tsy to ny famololon
Ilay fitia izay nantenaina
Ka zary rotika ny aina

Dia miezaha ianao mitsiky
Ary afeno na mikiky
Izay ratram-ponao lalina
Tsy natorianao mandrak alina

F ilay tsikinao iray iny
No hamafa ireto tsiny
Ka hamadika ho hery
Ilay tsiky saika very
ANARIM ( 08/09/2008 12:03)
ôhhhh misaotra
endrika01 ( 02/07/2009 05:19)
Tsiky ve dia ampy!Mahataka-davitra ireo Poety!
ANARIM ( 30/07/2009 07:02)
tsy misy vidiny ny tsiky, nefa saro-bidy ao am-po ny fahatsiarovana apetrany! tsy mampijaly izay manolotra azy izy, nefa toa tena mahasambatra izay mandray azy! raha sendra mba mifanena isika indray andro any, dia sitrako tokoa ny handray ny tsiky avy aminao!
raozigasy ( 05/08/2009 17:47)
Tsy misy vidiny ny tsiky, Ary koa tsy mila tambiny
Ary azonao zaraina, Eny na ireo izay ambiny
Fa ilay tsikinao zinara, ilay sombin-tsiky iny
Dia efa hanamaivan-danja, ireo loza s’ireo tsiny

Tsy misy vidiny ny tsiky, nefa ny hafanana entiny
Dia efa ampy hampisava, ireo jaly sy ny pentiny
Fa ilay tsiky toraky ny fo, na dia fohy fiserana aza
Dia efa ampy hahafongana,ilay tezi-po mivazavaza

Tsy misy vidiny ny tsiky, nefa ny fizarana izany
Dia efa ampy hamafana, ireo potraka tomany,
Fa ilay tsiky izay nafoy, nomena tsy nilàna setriny
Dia hampivadika ilay jaly, k’ilay faly hody ventiny

Tsy misy vidiny ny tsiky, ka itambezoako anao,
Ndeha mba izarao izany, ny manodidina anao
Fa raha tsiky maromaro, no iarahana mizara
Dia mino aho fa tena ho betsaka ,ny fiainana no hihatsara
mangamaso ( 05/08/2009 19:16)

Mahafinaritra ireto tononkalonareo, mampitsiky.
Mankasitraka :-).
ANARIM ( 10/08/2009 08:07)
soa ihany!
mangamaso ( 10/08/2009 08:31)
Soa ihany fa misy ny tononkalo :-).
Hametraka hevitra
Midira aloha
Momba ny tononkalo
Mpanoratra : anarim
Nampiditra : ANARIM
Daty : 13/08/2008 12:58
Antsantononkalo
Nantsain'i Anarim
© Eugene Heriniaina - serasera.org 1999 - 2024 - page load 0.0101