IZAHO MBOLA HITIA! (ANDRINIAINA1)

IZAHO MBOLA HITIA!

Izaho mbola hitia indray!
refa misy hitako fa milay.
Fa raha zay lasa nanenenana;
dia tsy hasiko fiverenana.

Izaho mbola hitia foana!
raha mbola misy koa ny fotoana.
Fa raha zay andro lasa tsy nanjary;
Dia tsy hataoko hankarary.

Izaho mbola hitia hatrany!
Raha mbola tany koa ny tany.
Fa raha zay fahiny tsy namokatra;
Tsy avelako hanampy trotraka.

Izaho mbola hitia mandrakizay!
Ho an'zay mendrika an'zay.
Fa raha 'zay taloha tsy namely;
Tsy hataoko hahakivy ahy velively.

Izaho mbola hitia!
Satria mahasambatra ny mitia.
Fa nenin'izay nania;
Manimba ny fitia.

Tsy ny vola na ny harena;
na koa ny voninahitra sesehena!
no mahasambatra:
Fa ny "FITIAVANA" mampitambatra.

Rehefa hay ny miaina am-pitiavana ny zavatra rehetra;
amin'ny andro tsy misy fetra!
De ao amin-tsika ny fahasambarana!
ary koa ny fiadanana.

Fa izaho aloha tsy hitia intsony;
izay manome sorisory;
Mila lonilony; tsy mba mahay mitony;
Mila romiromy; manao lohan-drongony.
Fa avy hatrany de ajanony!
Ka lalan-kafa no izory

ANDRINIAINA1


atolotra an'ny mpankafy!
--------