TOMPO Ô (Arajech)
Mbola tsisy niantsa
(Nalaina tao amin'ny vetso.serasera.org)
Tompo ô! Omeo fo aho hitia Hanomezako ny tena fitia
Iandanany ny tiako eo hanilako
Tsy hihafihafy sy hikao-po
Fa mba ho afaka hiaina
Tena finaritra sy an-kafalina
Tompo ô! Omeo hery aho hanoherako
Ireo miraviravy anatrehin’ny masoko
Tsy hanadinoko na ovina na ovina
Ilay tiako izay mba nofidiana
Mba hifanaraka foana izahay roa
Hitady ny fatratra sy mahasoa
Tompo ô! Arovy ny dianay roa
Ho iray hatrany tsy hisara-droa
Tanteraka foana ilay voady
Ho lavitra anay ny adiady
Hifankatia ho mandrakizay
Ilay any tanjona fanirihanay
Ho tena tsara rindra
Ny fifankatiavanay roa
Ny fitiavana tsy hifindra
Mba ho tonkam-po
15/07/01
--------
Rohy:
Sokajy :
Vavaka