FITIA TSY METY LANY (DADAFARAtolotra)

Hanoratra ho an'iza izato tanako androany
Miraraka ho an'iza ihany koa ireo tomany
Nofy mantsy isika anaty bokim-piankohonana
Nofy ihany koa ny hoe tafaraka tokonana
Dia ho aiza 'zany isika!

Inona no azo tanterahana hiraisana
Samy babo isika, ka mbý mahita faisana
Ho vitam-pangalarana fotoana tsy voatohitra
Ilay hanototra loasaha,hiova tendrombohitra
Tsy vitantsika izany!

Mieritreritra aho,moa manaiky ianao angamba
Nahoana isika roa raha toa ka manamboatra lamba
Hirakofan-tsika raha sendra andro mamanala
Izay hiombonan-tsika atao solofo dimbin'ny ala
Solontsika ety an-tany !

Izy no hanoratra tantara tsy voapenina
Izy no hanitatra ireo lamba tsy voatenona
Izy no hanamarika rehefa any am-parany any
Fa nisy isika roa ilay ''FITIA TSY METY LANY''
Ka naharitra doria!
--------