TADY MAMATOTRA ANTSIKA (DADAFARAtolotra)

Ny antsika fitiavana tokana monja
Ny antsika fitiavana mahazaka fonja
Ny antsika fitiavana tsy mety may
Ny antsika fitiavana mandrakizay

Ny antsika fitiavana tsy azo sakanana
Ny antsika fitiavana tia fihavanana
Ny antsika fitiavana mahasedra mafy
Ny antsika fitia tsy mahay mampirafy

Ny antsika fitiavana tsy mba malazo
Ilay tia kalokalo,sy tia vazovazo
Ny antsika fitiavana vonona hikendry
Ilay tena malefaka sy tena hendry

Ny antsika fitiavana manana jery
Ny antsika fitiavana mahatsabo fery
Ny antsika fitiavana marina indrindra
Ny antsika fitiavana tsy mety hafindra

Ireo dia fitiavana avy amin'ny mpahary
Mendrika indrindra raha zava-boahary
Fitiavana vanona, mahay manamboatra
Afaka velona miaina any ankoatra
Izany ny tady mamatotra antsika
--------