Aleoko misaraka (Dah Nex)
Mbola tsisy niantsa
(Nalaina tao amin'ny vetso.serasera.org)
ALEOKO MISARAKA Fantimpanteno ny teny LAZAINA
Fa misy ny sasany mankarary aina
Dinidiniho ny zavatra hatao
Sao hampisaraka antsika sy ianao
Fehipehezo ny zavatra avoaka
fa misy amin'ireny dia toa mampitsoaka
Ny fihetsikao dia hisaino daholo
Fa handrava ilay manda efa voakolokolo.
Sivasivano dia isaino tsara ary dinidiniho
Avadibadio impito ny lela ny ratsy fadio
Ny lasa natao tsy asiana olana efa rano raraka
Fa raha izao no mitohy mamotika fo ka ALEOKO MISARAKA.
Dah Nex
Amontana-Fianarantsoa 301
18 Mai 2026. 02ora:30 minitra (hariva)
--------
Rohy:
Sokajy :
Fisarahana - Alahelo