ADINOY (Fetra Rafitsahàrana)
(Nalaina tao amin'ny vetso.serasera.org)
Donam-po?Sa donan-tsaina?
Fa he! Ianao ity mangingina
Toa vizambizana ny aina
Sa mandalo tsy fisiana
Reram-po?
Sa rerak'aina?
No toa io ianao milofika
Kamokamo sy malaina
Ary koa tofotofoka
Resin-tiana?
Sa mijaly?
No mitady hamoy fo
Raha te hitsiky toy ilay omaly
Dia izao andramo aloha..
Mihainoa mozika tsara
Hampifaly ny any anaty
Io hira io no hanambara
Hamelona izay matimaty
Na manaova fialam-boly
Izay tsotsotra mahafinaritra
Ho hitanao ireo manangoly
Fa hisinda tsy aharitra
Fetra Rafitsahàrana
19mai 2015
--------
Rohy:
Sokajy :
Fampaherezana
Mpakafy:
haraldtohaina