FIHINO (IARANTSOA Mahefa)

Fihino aho malala a,
fihino mafy an-tratranao,
fa indraindray misalasala
rehefa ora toy izao.
Dia mandefandefa saina,
...fa tsy haiko hazavaina
hoe vintana toy inona
kisendrasendra toy ny ahoana
no nahafahantsika nihaona.
...
Kisendrasendra mamiko
ianao miara-dalana amiko
Manaiky ho tantanako,
endre 'ty fiadanako.
Ka fihino aho malala a,
tsy hoe segondra vitsivitsy
fa mandrakizay mihitsy.
--------