REHEFA IRERY AHO ! (IARANTSOA Mahefa)

Rehefa irery aho ;
dia ianao no ataoko an-tsaina,
banjiniko mangina
ao anaty fitoniana.

Ny anaranao no mamiko;
mipololotra eo am-bavako,
ka mahamirana ny tavako!

Ny angolanao no tsiahiviko;
hanafosafo ny aty foko
mba hampilefa ny toloko!

Ny tononkalonao rehetra
no kaloiko eo am-bavako eo
dia tonga hira misy feo!

Rehefa irery aho;
dia mombamomba rehetra
no tsianjery tadidiko,
ny ankoatr’izay tsy raharahiko!

01 Novambra 2014
--------