Saripika farany. (Ikalamako)

Misaotra anao, ry Namako*
Nandrakitra ho sary,
Ny hiaka mba notanako
Tam-poko izay narary.

Ny maso vonton-drano
Nafenina amin'ny tsiky,
Tazanao ihany,
Nanjary saripika.

Izaho tsy reny intsony
Anaty fitsaharany,
Mandinika azy tony
An-torimaso farany.

Napetrakao ho ahy
Ho tsiaro an'ilay namana,
Ny fihin-tananay
Teo am-pisarahana.

Narindrina ny vata.
Nisaorana Ny Ray
Nampindrana dia naka
Ilay Landinay*.


ikalamako, 17 febroary 2019,
[https://ikalamako.blaogy.com/458_ny_androaniko/archive/9559_saripika_farany.html]
______________________
*Zoky Blou
* Landy Rajaonarison
--------