Raha embona (Lova Ny Aina)
Mbola tsisy niantsa
(Nalaina tao amin'ny vetso.serasera.org)
Raha embona hitondra aretim-po,Sanatria hoe hankarary ihany koa,
Dia aleoko manadino ilay fitia
Mba tsy ho solafaka amin-tany hikodia.
Raha embona amonoako 'zato tenako
Mba amonjeko ireo toeram-piafenako
Dia aleoko indray midify lavitra any
Na ho tonga hatrany am-paran'ito tany.
Raha embona ho aretina mikiky
Hampisinda ireo mba sombitsombin-tsiky
Dia aleoko manadino anao ry tiako
Raha izay no loharanom-pifaliako.
27 avril 2017
--------
Rohy:
Sokajy :
Alahelo