Ny kirin'ny resy (Nirhy-Lanto)

Ny fahareseko ! ny Faharesena ....
Nampoizin-kanito ny kirin'ny tena,
Dia rary nitahy ny asa ikikirana :
Tsy boka herintaona izay te hisahirana !

Fa nisy nandresy, kanefa dia resy
Dia tsontsa nitady ny soa an-kisesy ;
Dia mbola mitoetra ho anatra marina
Ny kirin'ny resy tsy maintsy tafarina !

Nafafa ny vala, ny sompitra foana,
Kanefa namaka ny herim-pinoana :
Ny eson-tsakaiza, ny latsan'ny havana
No angady niasana ny tany ho mavana !

24 mars 1955
--------