Iny tsikitsikinao iny (Ny Avo Rakoto)

Iny tsikitsikinao iny,
No tsy amoizako ny miaraka aminao.
Iny tsikitsikinao iny,
No mampisinda ny alahelo,sy ny sento anatiko ao.

Iny tsikitsikinao iny,
dia mitondra fifaliana
mampisava ny adin-tsaiko
Iny tsikitsikinao iny,
dia tsiky mahasondriana
mamelombelona ny aiko.

Iny tsikitsikinao iny,
dia miraki-java-tsoa
Iny tsikitsikinao iny,
soa tsy manam-paharoa.

Toa satry foanafoana
hahita anao mitsiky
satriko mandavan-toana
hahita ny endrikao sariaka.

NY AVO RAKOTO
27/01/2015
--------