Raha ... (Ny Radontsoa Mamiratra)

Raha hirahira ho anao no hokaloiko,
mba ngadona inona no omeko anao,
R'ilay misitery nandrava ny nisy ?

Raha tononkalo no hany hovetsoiko,
Sarin-teny inona no harindrako ao
hanaronako ny hafaliam-poko mitsiky ?

Raha toa ka fitiavana izany trotroiko ...
Rahoviana, rahoviana vao ho fantatrao
R'ilay lasa solofon'ny masoandro dify ?

Ny Radontsoa Mamiratra
26/04/2023
--------