NOFINOFY (Rabetokotany Latiana (Petakasoa))
Mbola tsisy niantsa
(Nalaina tao amin'ny vetso.serasera.org)
NOFINOFYSatriko ianao ry Lanitra
Handrotsaka ny andonao maharitra
Hikolokolo ny fanantenana
Ao amponay efa mila ho hàna
Iriko ianao ry Volana
Hitondra tsiky hamaha olana
Hampitony ireo tomany
Noho ny fahoriana sesilany
Sitrako ianao ry Kintana
Handefa taratra hanasitrana,
Ireo marary miferin’aina
Rera-tena, rera-tsaina
Iangaviako ianao ry Masoandro
Hanome hafanana isan’andro
Ireo fitia mila hangatsiaka
Mitady hamela fo voatritra
NOFINOFIKO izany ho tanteraka
Hampitràka ireo reraka
NOFINOFIKO izany ho tontosa
Azahoana fifaliana miavosa
PETAKASOA (Alahady faha-29 aogositra 2010)
--------
Rohy:
Sokajy :
Eritreritra mandalo - Aingam-panahy
Mpakafy:
malagasy1
Hevitra mandeha
Zozoro
(
30/08/2010 17:44)
"...Na volana na kintana no sitrakao ho azo
Ho solom-boninkazo
Dia satriko rombotana ihintsana avy hatrany
iraraka aman-tany..."
Ho solom-boninkazo
Dia satriko rombotana ihintsana avy hatrany
iraraka aman-tany..."
petakasoa
(
03/09/2010 20:00)
Misaotra anao aho Ra-zozoro
Mampitraka ny fo torotoro
Mandravina ny saina misavorovoro
Manohana ny nofinofy tsy hikoro
Mampitraka ny fo torotoro
Mandravina ny saina misavorovoro
Manohana ny nofinofy tsy hikoro
Hametraka hevitra
Midira alohaMomba ny tononkalo
Mpanoratra : Rabetokotany Latiana (Petakasoa)Nampiditra : petakasoa
Daty : 29/08/2010 18:28
