HO AN'I DADA - Petakasoa

Azo vakiana?

HO AN’I DADA

Olon-tokana tsy mahatsiaro lanaka
Mifofotra miasa  hamelomana taranaka
Mahay manafina raha sendra fahakiviana
Satria andry iankinan’ny fianakaviana

Olon-tokana  ilay hany mahavita
Manovo hery vao isan’andro hahatafita
Hahatonga olom-banona ireo sombiniaina
Mikaon-doha mafy hatrany alina, maraina

Olon-tokana  feno fitiavana tsy manam-paharoa
Tia mananatra  sy manome hevitra mahasoa
Hahafahan’ny zanaka hahay hiatrika ny  fiainana
Amin’ny fivavahana sy  fandresena ny  fahalainana

Ankehitriny izahay efa lehibe sy manan-tokantrano
Misaotra an’Ny Avo nanome anay anao ho Loharano
Nihaviana sy antoky ny  fahombiazanay
Ka faly miarahaba anao “tratry ny fetin’ny Ray”
Mankasitraka  re ry Dada, mankatelina tokoa
Ary manoroka mamy amin’ny takolakao roa.

PETAKASOA (faha-16 jona 2010)

Hametraka hevitra

Midira aloha

Mombamomba

Mpanoratra : Petakasoa

Nampiditra : petakasoa
Daty : 16/06/2010
Mpamangy : 8191
Mankafy : 2

Tononkalo hafa

NY FOKO VE NO ...
HAFATRA
HAY VE
Hafatra Paska
Tompo ô! ataonay ahoana
NOFINOFY
Ianao no anjarako
HERISETRA
MALAGASY AHO, MALAGASY IANAO
NY ZANAKA sy ny RAIAMANDRENY