Lehibe izahay (Pissoa)
Mbola tsisy niantsa
(Nalaina tao amin'ny vetso.serasera.org)
Lehibe izahayRy lalanay fahiny tery amoron-kady
Niatrika ny angola, ny tsiky, sangisangy
Niaraka niaritra irony ady, tena ady
Izahay toy ny adala ... nifanasa vangy.
Mahatsiaro anao izahay !
Ry rano mikoriana tery an-dohasaha
Nihaino irony voady mba nifanaovanay
Ny fifanomezan-toky hiara-misalahy,
Hamakivaky fiainana, ety sy "rahatrizay"
Mahatsiaro anao izahay !
Ry teny Malagasy, teny ... tonga lafatra
Nentinay namboraka ilay fitia, "tena fitia"
Teny fihantana, fifandefasana hafatra
Namela hanantena fa misy ny "doria"
Misaotra anao izahay !
Tato ho ato mantsy, toa lehibe izahay :
Vonona handroso ho fianankaviana ;
Hampiaraka sy hiaraka, ho iray mandrakizay !
Mahatsiaro anareo f'efa ho toa ny faniriana.
Lehibe izahay
Pissoa
(14 Febroary 2008)
--------
Rohy:
Sokajy :
Fitiavana
Mpakafy:
haraldtohaina
Hevitra mandeha
sazykely
(
15/02/2008 08:01)
mampitodika ahy any amin'ny tany nahaterahako ity tonokalo ity. Tany niaviako fa ny tena tsaroako dia izho ilay nanao T1 tany e!!!
DadaRabe
(
26/02/2008 00:02)
Mahafinaritra Pissoa à!
Tohizo foana é!
DadaRabe
Tohizo foana é!
DadaRabe