Tsy fantatro (Pissoa)
Mbola tsisy niantsa
(Nalaina tao amin'ny vetso.serasera.org)
Nitsambikimbikina ny foko, niolomay !Ny anaranao mantsy sendra voatonona
Ka injay nampiontana, nampandroatra indray ;
Ny hetsi-po niery, nitombo, namololona.
Injay mangitakitaka ny amiko rehetra ;
Tsy hita izay atao : hitsiky ? Hitomany ?
Toa tsindrin-daona, mitsangana, mitoetra.
Inay aho mba vorona, nisidina any ho any.
Mahatsiaro anao aho, sa tsy mbola nanadino ?
Fitia nataoko ho faty, nitsangana, nifoha.
Tia aho sa mba manina ? Moa ny foko mino
Fa ny amintsika anie ... tantara efa taloha ?
14 Septambra 2009
--------
Rohy:
Sokajy :
embona
Mpakafy:
Mysento
Hevitra mandeha
tsial
(
17/09/2009 07:37)
Izany ny ainga-panahy rehefa tena iainana, tena mivaingana ny hakantony;
Nampitsambikina ny foko ihany koa,...
Nampahatsiaro... ilay tantara efa taloha.
Misaotra Pissoa a!
Nampitsambikina ny foko ihany koa,...
Nampahatsiaro... ilay tantara efa taloha.
Misaotra Pissoa a!
lyopa
(
19/09/2009 18:27)
io fitiavana io mantsy dia sarotra hadinoina
Zozoro
(
01/10/2009 18:13)
"Tsy fongotra akory ny hazo kapaina,
ny raviny foana no raraka an-tany
Ny tahony angamba no mety ho maina
Fa ny fakany kosa dia mbola ao ihany..."
ny raviny foana no raraka an-tany
Ny tahony angamba no mety ho maina
Fa ny fakany kosa dia mbola ao ihany..."
pissoa
(
10/10/2009 15:26)
Misaotra mitsidika o hi hi hi
Zozoro : Tsy mety tadidiko ny feon'io hi hi.
Zozoro : Tsy mety tadidiko ny feon'io hi hi.
raozigasy
(
27/07/2010 23:36)
Toa henoko noloarana, tanaty fahatsiarovana
Ilay anaranao, tsy resim-pahalovana
Ka nampiontan-doboka, ilay foko efa nitony
Sy nanaitra indray, ilay tsy nafoha intsony
Natamberinao, ry lasa nisakodina
Ilay anarany iny, ka ny saiko nihodina
Tsy nahatombin-tsiraka, fa toa azom-panjaitra
Ilay tao anaty tao, ka somebika sy taitra
Inona no antony, sa fimpongaran-dasa
Sa ve ilay fahiny , no ratsy koban-tsasa,
Sa tsiahy iray ratsy levina, no sendra mba niselona
Ka tantara taloha, no taitra saika velona
Ilay anaranao, tsy resim-pahalovana
Ka nampiontan-doboka, ilay foko efa nitony
Sy nanaitra indray, ilay tsy nafoha intsony
Natamberinao, ry lasa nisakodina
Ilay anarany iny, ka ny saiko nihodina
Tsy nahatombin-tsiraka, fa toa azom-panjaitra
Ilay tao anaty tao, ka somebika sy taitra
Inona no antony, sa fimpongaran-dasa
Sa ve ilay fahiny , no ratsy koban-tsasa,
Sa tsiahy iray ratsy levina, no sendra mba niselona
Ka tantara taloha, no taitra saika velona
pisokelinah
(
06/12/2010 15:52)
mlay be daholo e!!!!!