Tsy holazaiko (Pissoa)

Nantsain'i
(Nalaina tao amin'ny vetso.serasera.org)
Tiako ianao fa tsy holazaiko
Na amin’ny masonao nitopy, ilay mangalatra fijery
Na amin’ny tsikinao tsy tana isaky ny mifanena
Na amin’ny tananao niatsampy, ka namihina amin-kery
Na amin’ny molotrao nibitsika fa mbola miandry, manantena …

Tiako ianao fa tsy holazaiko
Na amin’ny masoko manjohy ny fihetsikao rehetra
Na amin’ny tsikiko tsy tana, nasetriko ny tsikinao
Na amin’ny tanako nioty ny fihinao mahery setra
Na amin’ny molotro maniry hamaly irony bitsikao …

Eny, hatramin’ity foko maniry anao mba ho malalako
Amin’izato bitabitany f'injay ny anaranao tsaroany.
Izy indrindra no tsy foiko hitomany indray, fitiavako
Ka handaingako tsotra izao fa tsy ho anao no hitempoany.

Tiako ianao fa tsy holazaiko
--------
Rohy:
Sokajy : Fitiavana
2309 1
Hevitra mandeha
Skual.R ( 30/06/2013 17:05)
Ntsôy e!
winner ( 03/12/2014 21:26)
Tena tsisy noforonina na nampiana na nanalana
Hametraka hevitra
Midira aloha
Momba ny tononkalo
Mpanoratra : Pissoa
Nampiditra : pissoa
Daty : 30/06/2013 16:00
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0139