VAVAKA (RA Freddy Jn)

Andriamanitra o, raha sitrakao anie
Mba henoy ity vavakay izay mitalaho
Fa voagejan'ota sy hadalana re
Ity Madagasikaranay ity
O mba henoy, sy mba valio ry Ray
izato fitalahoanay ,

Fa Ianao anie ilay mahay ny zava-drehetra
Mahita ny takona, sy izay miery amin'ny haizina.
Iza moa no hitalahoanay raha tsy ianao
Ka henoy ny vavakay raha sitrakao

Jesoa o, ekeko fa Mpanota tsy mendrika aho
Nefa ianao tsy manda izay mibebaka,
Ka sahy aho ny hanatona Anao

RA Freddy Jn
Jona 2025
--------