NISAONA (Rabarison Roberto Stephan)

Izy toa nanjary nisaona

Nanantena ilay fitia ho paradisa
Hoe any aoriana any mbola hihaona
Sy hanantateraka ilay visavisa.
K'anefa anio toa lasa zava-poana
Ilay fitia tsy nety vita.
Toa niserana sy foana

Izy toa nanjary nisaona

Nanantena fa ianao eo foana
Tsy mba ho resin'ny fotoana
K'anefa indrisy. Tapitra izany
Nanantena ilay fitia tsy lany mamy
Taty aoriana toa nivadika tomany

Izy toa nanjary nisaona

Ary tsy mba nanantena intsony
Ny hitady olon-kafa ampifaliany izany fony
Fa navelany ho irery
Tsy mba nasiany hoe an-tery
Fay tena fay ary tsy nanantena intsony
Aleo hono hijanona amin'izay, fa zay no mampifaly izany fony

Rabarison Roberto Stephan ✍️
--------