NDAO IANAO RAHA HANDEHA (Rakotomalalason Jean Olivier (R.JO))
Mbola tsisy niantsa
(Nalaina tao amin'ny vetso.serasera.org)
NDAO IANAO RAHA HANDEHA Ndao ianao raha handeha
Rehefa tsy azoko tanana
Tsy zazakely ianao
Ka ho tambatambazana
(ka mbola ho tantanana)
Fa raha ny hoe :
Ny momba ilay fitiavana
Izy iny raha tsy raikitra
Tsy aharatsy fihavanana
Koa mandehana aloha
Misaina sy mandinika
Mba hisy hoentina a!
Miatrika ny fiainana !
Ndao ianao raha handeha
Rehefa tsy azoko tanana
Tongava soa ianao
Ho tojo fahasambarana
Fa raha ny hoe :
Ny mbola hiverin-dalana
Izy iny raha namoy anao
Tsy azo iverenana !
Koa mandehana aloha
Misaina sy mandinika
Mba hisy hoentina a!
Miatrika ny fiainana !
Malalason Avril 2008
--------
Rohy:
Sokajy :
Fitiavana
Mpakafy:
Malalason
Hevitra mandeha
pissoa
(
14/05/2008 18:22)
Hi hi - tsy efa nisy feony ve tao an-tsainao tamin'ny namorona ity tononkalo ity ?
Mazotoa Malalason a.
Mazotoa Malalason a.
Hametraka hevitra
Midira alohaMomba ny tononkalo
Mpanoratra : Rakotomalalason Jean Olivier (R.JO)Nampiditra : Malalason
Daty : 14/05/2008 08:30