Arahaba an-tselika (raozigasy)

Mikorontandrotana, toa vato ambany riana,
ny fiaingan’ny fanahiko
Ka misavoamboana toa avelo variandriana,
ireo vetso tsy navahako

mifangarongaro, ireo teny feno akotry
tsy hitan’ny sahafako
ka vorabora-bolana, litera an-teny botry
no tononkalo an-tsahako

misavoritadritaka, toa misavily “vol”
ireto inspiraka
tsy an-danitra tsy an-tany, toa fitotom-baolina
miainga miparitaka

ny tanjona irina, hitondra rary soa
an-teny tsara rafitra
kanefa dia tsy tafa, asa loatra moa
nivadika ny drafitra

koa arahaba an-tselika,
sy kopaka an-pelika
anaty horakoraka
no atoratoraka
--------