Asa (raozigasy)

Indraindray aho mila ho leo, miasa sy mitady vola,
Fa ny volom-bava mihafotsy, ary ny loha mihasola
Indraindray aho kivikivy, mandao ny trano vao maraina
Miketriketrika ati-doha, mikajikajy miasa saina

Kanefa …..

Vao maheno an-tarobia, ilay zara risikao ry vadiko
Dia mahazo zoto vao, ilay vitribitrika fitadiko
Vao maheno an’akoako, ilay kakakakanao ry zanako
Dia mivadika hakingana, ilay ngolin-kamon-drantsan-tanako

Fa …

Ho inoko izay vola miditra, ho inoko izay asa atao ?
Raha tsy ho an’ny tokantranoko, sa ho an’iza hoy ianao ?
Ho inoko izay vola azoko, valin-kasasaran-tanako ?
Raha tsy ho an’ny tokantranoko, ho an’ny vadiko sy zanako …
--------