ERNESTINE (raozigasy)

Tohin'ny AVOTY KELY

Nesy malala o ! Nesy « Chérie »
Aleo atao kôzy mazava izy ity
Andao hazavaina ny lalam-pitia
Fa tsy isan’andro dia hoe « La City »

Nesy malala o ! Nesin’ny foko
Ny tiako ange dia ilay miara-manjoko
Fa tsy hoe isan’andro ianao miova loko
Dia izaho no mi « pondre » mividy « new look »

Nesy malala o ! Nesy « chérie »
Misy « la vérité » zaraiko amin-dry
Izaho ange akory tsy hoe avy am-pita,
Dia henjana be , sy hoe tena tafita

Nesy malala o ! izao ange no faniriako
Hitady vady izay tia ahy sy tiako
Izay no tena « mission » nalehako aty
Ka faly aho izao nifanena amin-dry

Nesy malala o ! Nesy fitiavako
Vonona amin’izany ve ianao rahavako
Ho mandrakizay ho andefimandry
Isika hifankatia n’inona n’inona miandry

Nesy malala o ! alohan’izany
Tsy maintsy lazaiko anao eto ihany
Ny fianakaviako indrindra i dadanay
Misy fombafomba tsy maintsy arahina izay
Nesy malala o ! Nesy « chérie »
Mba henoy kely aloha ity resaka ity
Ajanony ilay « style » eo amin’ny fitaratra
Tsy maintsy asehoko anao daholo ny karatra

……..

Anao kay ry lehilahiko ity
Noheveriko hoe olo mba navy Paris
Dia olo maventy sy maro parata
Hay ny vavanao fotsiny no mitatatata

Agnao mandiso « calcul » zah
Noheveriko hoe hahasolo vazaha
Mahavita izay tiako, mahavidy lamaody
Hay ka bandy mahantra ka mandehana môdy

Zah mila lehilahy, maharaka zah
Na vôla na tanjaka, tsy maintsy « ca va »
Zah mila vôla hagnano « plaisir »
Zah mila soavaly, hi « satisfaire désir »

Agnao raha tsy mahefa, fa olo malemy
Dia tsotra mazava ny ahy re ny teny
Zah ampy izay, fa raha toa mbola ngôma
Arotsahy ny parata, dia avia mâ hisôma

Ilay Iabanao koa zany maharikoriko
Ianao aza io tsendrika hoe novadiako
Dia efa be koragna magnano zistoara
Ka tonga dia omeo azy ny « au revoir »

Za mbola tanora mila magnano « la vie »
Izay mahavita zah no ataoko « chéri »
Ny volanao raha tsy maharaka fa « délestage »
Dia samby tsara dia « bon voyage »

……..

Nesy malala o ! tiako ange ianao
Maninona aho no dia atao an’izao
Ny foko rehetra ange efa nomeko
Izay tianao rehetra hatreto nekeko

………

Tsy ianao no bleme fa ilay « compte » amin’ny « banque »
Zah mila raha maro, tsy hoe misy « manque »
Zah matoa nanaiky hoe olo navy an-dafy
Dia efa « paré » hoe tsy miafiafy

Ka veloma ianao, raha izao sahady
Dia tsy mahavita izay sitrapom-bady
Nesy tsy mandeha raha vao bandy tsy alehany
« Dollar » aloha vao sokafy ny feany

……….

Dia lasa koa ianao Ra Ernestine a
Misaotra tamin’ny hafatra fa tsy maninona
Tsy koi izay lany fa mba "ecolage"
Atao hoe "vacances", mba nanala azy

(hitohy)

© Raozigasy
--------