FIRARIANTSOA (raozigasy)
Mbola tsisy niantsa
(Nalaina tao amin'ny vetso.serasera.org)
FIRARIAN-TSOAAsaramanitra izao
Satria ny taona vaovao
Koa ny fiarahabana atao
Sy firarian- tsoa ho anao
Dia andian-teny vitsivitsy
Tsy hoe kahidy na mitsitsy
Fa ny teny lava tsisy ventiny
Sao tsy tafita ny hafatr’entiny
Dia mirary Fahendrena
Io ilay voalohan-karena
Tsy adino ny Fahasalamana
Enti-miatrika Fiasana
Fa indrindra ny Fitiavana
Hifampitsinjo ny mpihavana
Ka ny fihatsarana vela-tsihy
Ho lavitr’ity taona ity.
Izay ilay teny fohy sy vitsy
Miala tsiny raha mahitsy
Dia mahatratrara ny ela indrindra
Anaty fiainana mirindra
04 – 01 – 2006
--------
Rohy:
Sokajy :
Tsingerin-taona - Aingam-panahy
Mpakafy:
tsilefy
