Hisy (raozigasy)

Hisy sarinao
hataoko tsara jery
Ka hampiteny irery

Hisy tsikinao
Tiako ahoso-doko
Ka hanaitra ny foko

Hisy feonao
Hameno ny alim-potsiko
Sady arotsirotsiko

Hisy masonao
Banjiniko maharitra
Tsy tantiko sy tsy aritra

Hisy bikanao
Hoforonin-tsaina
Tsy hay hoe tantaraina

Hisy hanitrao
Hanento manadala
Tsy mana-tsahala

Misy rediredy mamorona anao ry olona tsy misy
Misy sarisary tiako hoe ianao, ry kanto izay nidify
--------