Mandroso ny taona (raozigasy)

Mandroso ny taona, mandroso ny taona
Nefa hatramin’izao , mbola tsy tafahoana
Amin’ilay zatovo, mirija, bikàna
Ilay nandrandraiko, hifanenana mazàna

Mandroso ny taona, mandroso ny taona
Nefa hatramin’izao aho mbola tokana foana
Ny trano milamina, ny asa tsy olana
Fa ny tena tsy tanty ilay irery misolana

Mandroso ny taona, mandroso ny taona
Ny diary efa feno, ny efa-polo taona
ny mpandimby nirina, tsy misy mpametraka
ka ny tena toa kivy, ny saina koa ketraka

Mandroso ny taona, mandroso ny taona
Ka ny hany hery angamba raha tsy te hisaona
Dia mijery tanora, dia manaotao foana
Dieny mbola matoy, sy mbola tsara fotoana

Mandroso ny taona, mandroso ny taona
Aza ihomehezanao, raha toa ka mitsaona
Fa izay rehetra teo, tsy nisy tamana
Basin’ariary fito, hono ianao ry madama
--------