Nofinofiny (raozigasy)
Mbola tsisy niantsa
(Nalaina tao amin'ny vetso.serasera.org)
Nakimpiny ny masonyKa ny torimasony
Feno nofy lalina
Ny endrikao no hitany
Ny masonao no kintany
Nanemitra ny alina
Ilay tsikinao izay maminy
Mbola nitsiky taminy
Tanaty fifaliany
Ilay bikanao tazaniny
Ilay tananao tantanany
To ny faniriany
Dia hanim-bolo anao
Sy ranomanitrao
No rivotra nofohiny
Tan-daingo-tavanao
Ilay oroka injao
Natehiny, natohony
Dia feno fifaliana
Sy tsikim-pitoniana
Ilay mpanonofy anao
Nataony fa tsy nofiny
Ilay tena nofinofiny
Fa tena tiany Ianao
PARIS 07/06/04
--------
Rohy:
Sokajy :
FITIAVANA
Mpakafy:
raozigasy - ari.malala
