Ny soratra sakaiza (raozigasy)

Ny soratra : sakaiza,
satria na efa hatraiza
ny teknolojia,
ny soratra sonia,
rangotra sy hafatra
singa mahalafatra
sy tsipi-panohizana
ary fitohizan’
ny tantara hisy
sy ny omaly indrisy ….

Ny soratra : sakaizako
zanaka mba taizako,
zara nahalala
ireo edim-poko adala,
ireo bitaka tanatiko,
ireo jaly izay tsy tantiko,
toky fitoniako,
alohan’ny hatoriako,
sy vavaka irariako
alohan’ny hikimpiako

ny soratra : sakaizako,
satria ny hatraizatraizako
dia nampitainy an-teny,
teny rehetra teny,
ka nahafahako nizara,
ireo hevi-tiako ambara,
ka nahatonga antsika,
nihaona an-tsariaka,
mizara izay fananana,
dia ilay soratry ny tanana...
--------