Soa fa nisy ianao ry vetso (raozigasy)
Mbola tsisy niantsa
(Nalaina tao amin'ny vetso.serasera.org)
Soa fa nisy ianao ry vetso Soa fa nisy ianao ry vetso , ilay elatry ny nofinofy
Vinavina sy kinasa, iry sitran’ny farofy
Ilo taratry ny ampitso, Zavazavam-panantena,
Hendratrendratry ny ho avy, tendry vavaka ekena
Soa fa nisy ianao ry volana, sy ilay taratrao mangarana
Mirotsaka ho an’ny rehetra, tsy mba misy fiangarana
Moa tsy ianao ilay banjinina, sady anaovan-jerim-bavaka
Ka ilay aingam-po izay nofihinina, abosesehinao an-dravaka
Ka ilay fanahy zary miainga, am-bolana somambisamby
Ampangolen’ny horovitsik’ilay vetso iray mpanambitamby
Volam-betso o ! vetsom-bolana ! tena ianareo mitambatra
No mandraitra sy mandafatra, ilay to , tanteraka ho sambatra
--------
Rohy:
Sokajy :
Aingam-panahy
Mpakafy:
fahamarinana
Hevitra mandeha
fahamarinana
(
29/05/2009 20:35)
Tsy mahita ambara intsony fa dia poa-tsatroka re r'ise a! Mahafinaritra ny fiaingan'ilay Aingam-panahy ! Azo afindra ve izy ireny aloha ?? hihi!
accolade
(
30/05/2009 08:52)
Misaotra an'ise indrindra Raozy !....Tsara, tena tsara
