Tsiahy (raozigasy)
Mbola tsisy niantsa
(Nalaina tao amin'ny vetso.serasera.org)
TsiahyTsy afaka am-bavako ny hiran’i neny
Ny siokan’I dada tsy afaka an-tsofiko
Ary ireny kalo mitambatra ireny
No vetso sambatry ny aty nofiko
Kotaban’ankizy, mikorana hariva
Sy soron’afo, ambody forohana
Anaty tsilopin’ny masoandro iva
Manindrona anaty ilay foko efa tohina
Lalao an-tsomamby eny ambanivohitra
Fiarahana mamy redonina hira
No sary asalin’ny embon-tsy tohitra
Tsiahy manaikitra aty an-dakira
Nindaosin’ny lasa, ho tantara izany
Ka mivadika ho embona, saro-boafehy
Kanefa voarakitra ho tsiaro mamy
Mipongatra foana, am-potoana mandeha
--------
Rohy:
Sokajy :
Aingam-panahy
