Vao iny ianao miranga (raozigasy)
Mbola tsisy niantsa
(Nalaina tao amin'ny vetso.serasera.org)
Entam-po tsy laitra,Fifaliana raitra,
Hetaheta taitra,
Angolangola vaitra…
Bitaka anaty,
Mandoatra ireo tsy tanty,
Te hifamato-maty
Fitia tsy lany daty
Hotraka fitia,
Maniry ny hiria
Hiaraka doria
Fa tena samy tia
Angovom-pitia sahy
Vaika tsy manahy
Mampiainga ny fanahy
Lavitra ahiahy
Izay no tamban-tranga,
Seho manangasanga
Ny lanitro mihamanga,
Vao iny ianao miranga
--------
Rohy:
Sokajy :
Aingam-panahy
