TSY IANAO MIHINTSY (RIJADOLLY)

Mbola tsisy niantsa

Hangataka antsa
(Nalaina tao amin'ny vetso.serasera.org)
TSY IANAO MIHINTSY

Tsy ianao mihintsy ny hamafa ny lotoko
Ny lotoko izay mivanditra ny endriko
Fa kosa, hanambany ahy fa tompoko
Ka hanome setriny tsy mendrika

Tsy ianao mihintsy ny hanao azafady
Ity olona mavomavo izay efa voafetsy
Fa kosa, handika mba angatak' ady
Ity olona osa, manomboka ho resy

Tsy ianao mihintsy ny hamaly ny arahaba
Na handray ity tanana izay mitaraina
Fa kosa, hijery ity haratsian-damba
Izay madiva ho rovitra manaraka ny aina

Tsy ianao mihintsy ny hamonotena
Hampiakatra ahy tsy osaosa
Fa kosa, tsy maintsy hanandra-tena
Mba hanjaka sy tsy voaosiosy

Tsy ianao mihintsy ry SARANGA
Ny hiova ka ho lasa fitoviana
Fa kosa, tsy maintsy mampitranga
Ilay elanelana mahatonga fahoriana

DOLLY ( 2006 )
--------
Rohy:
1768 1
Hametraka hevitra
Midira aloha
Momba ny tononkalo
Mpanoratra : RIJADOLLY
Nampiditra : rijadolly
Daty : 03/04/2011 18:19
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0126