Hiezak'aho ny hanaiky (Rina)

Hampiononiko ny foko
raha izay no sitrakao
ho toneko koa ny saina
raha izay no tianao

Mba ho fanajako ny safidinao
sy hanaporofoko fa tiko ianao
dia hiezak'aho ny hanaiky
ny fihetsem-ponao

Ny fitia dia tsy an-tery
fa an-tsitrapo
ka aleoko dia manaiky
sy mampitony fo

Hitia mangina anao
no hany azoko atao
tsy ho ataoko fantatrao izany
fa ho ahy irery ihany

Inoako fa tsy ho ianao
ilay voatokana ho ahy
fa mbola any izy any
efa mety miandry ahy

Ka hiezak'aho aho ny hanaiky
izay anjara omen'ahy
f'efa manaiky 'zao ny saiko
fa ianao dia tsy ho ahy

(22-02-2011)
--------