....Voafidy ho ahy (Rina)

Ianao ilay notsongaiko
tao anatin'ny an'alinaliny
ianao ilay nirifako
andro aman'alina
tsy tsapanao ve
fa ianao irery ihany
no tiko eto an-tany
tsy misy faharoa na fahatelo koa
fa tokana ihany
dia ianao izany

Tsy misy anarana hafa tsy ny anaranao
ao am-bavako ao
tsy misy endrika voarakitra ao an-tsaiko
hafa tsy ny endrikao
ianao ilay voafidy fa anjara ho ahy
ho hajaiko sy koloiko
mba tsy hanan'ahiahy

Matokia re ry aiko
fa mandra-paha tapitry ny fofon'aiko
dia hijanona ho anao
ho anao irery ihany
ka mba iriko koa ianao,ho toy izany
tsy hitia hafa tsy izaho ihany

(18-02-2011)
--------