DIA VOATERY VE... (Ryana)
Mbola tsisy niantsa
(Nalaina tao amin'ny vetso.serasera.org)
DIA VOATERY VE…Raha maratra izy any, ka hositraninao ny fery,
Raha izy ka tomany fa mahatsiaro tena ho irery;
Raha miandrandra hazavàna ny ampitso sy ny ho aviny,
Raha toa ka ny hafanàna anilanao no tadiaviny;
Dia voatery ve ianao
Nanamaizina ny amiko;
K’izay mba tsikiko hatrizao
Nofaohinao fa hoe nindramiko?
Raha omenao hasambarana sy hafaliana izy any,
Ka ny alahelony hifarana, horitra koa ny tomany;
Raha izy te hiaina hanitra sy rivo-bao,
Ka ho lavitra taraina sy ireo sento mankalao;
Dia voatery ve ianao
Nanamaloka ny androko,
Ka nofongoranao ho lao
Izay mba anjara masoandroko?
Raha ho tretrika ianareo satria tia anilan-tiana,
Ka ny ady hifarana eo, ireo disadisa koa hangina;
Raha ny mamy hatrizao ho hany hotohofanareo,
Ary lala-mahitsy vao no indro hodiavinareo;
Dia voatery ve ianao
Namoha indray ireo rofiko,
Ary dia narodanao
Hatramin’ny fara-nofinofiko ?
Ryana
(20/08/07)
--------
Rohy:
Mpakafy:
Ryana
Hevitra mandeha
misset
(
21/08/2007 12:55)
tsy dia azoko tsara ny tian'ilay tononkalonao hambara, dia tsy tiko ilay izy
Ryana
(
21/08/2007 14:08)
"Tsy tafa... " araka ny fiteny izany ny tiako hambara!!! Misaotra nitsidika na izany aza ry MIsset â!
Ryana
Ryana
tslem
(
22/08/2007 11:56)
mila mandinika tsara ianao ry misset vao hazava tsara aminao ilay izy a, aza maika fotsiny ny hamaky.
Ryana: tsara be ilay tononkalo fa mampalahelo.
Ryana: tsara be ilay tononkalo fa mampalahelo.
Ryana
(
22/08/2007 13:12)
Misaotra an'i Tslem! mety ho "tafa..." ihany izany ny tiako nambara. Mampalahelo ve? Angamba... Izay ilay fianana indraindray ê! MAnkasitraka.
Ryana
Ryana