Tia izy... (Ted Raz)
Mbola tsisy niantsa
(Nalaina tao amin'ny vetso.serasera.org)
Tia izy...Na mahantra sy mijaly ny fiainandavanandrony
Na rovitrin'ny ankaso ny fitafy sy ny akanjony
Tia izy... manana fitia
Maniry mba hiadana,hianoka hankafy
Te ho tiana dia ho tiavina hatsapa fifaliana
Te hiraina koa ny anarany raha misy faniriana
Tia izy... mitovy aminao
Misy fo mitempo ao antratrany ao
Na voavaka matetika fa raozy tsisy laingo
Tsy mahavidy ranomanitra,tsy mahay mihaingo
Tia izy... mba mangetaheta
Te ho voky tambitamby amin'ny androny rehetra
Saingy ny azy to voagadra,voafefy ny ao antsaina
Voasaka-tsy hiandry,hahita ilay maraina
Tia izy... fa toa tsy manantena
Hoe ny finoana,ny fitiavana... hitondra fandresena
--------
Rohy: