SAIKY NENINA (Tsanta MIKANTO)

SAIKY NENINA
Ny tsikinao tamiko dia siokan’ny marary,
Fa tsy fitiavana tsy akory,
Ka aleo ianao ho any,ho im-pito manta vary
Aleo mihitsy ho oriory !
Hay ny niantsonao ahy ,ka hamafa ny lotony
‘zay hitsaky ny sasany ?
Aleo ianao ho any,ho bory hatramin’ny fotony
Ho may hatramin’ny fakany !
Soa ny fo madioko ,fa mbola tsy nihira
Ny « tsaranao » ivelany,
Raha tsy izany angamba,dia ando feno sira
No nandonaka ny felany !
Sanatria aho tsy amboa,ho tsetsemanao taolana
Dia ho moana sady gina,
Soa aho tsy tafiditra,fa saiky hatao fitaovana
Filàna rehefa mila !
Kay tena tsy izaho marina, ilay notadiavinao
Ho silan’ny fanahy ?
Ka izay teny vitako rehetra,mba vonoy sy fafao
Tsindrio rangolahy !
Sao indray avy eo ka… mbola hihevitra, hoe handrotsirotsy ,
Ny foko efa tony,
Tsy hisy intsony izany,fa…mitomania aloha,
bongoy ny bodofotsy,
Fa izaho tsy mila intsony e !

Tsanta MIKANTO 10/08/15,HO AN’ILAY OLONA IZAY (Marihina anefa fa ny ainga dia niainga tamin’ny tononkalon’i KANTO SOMBINIAINA, « Aleo ihany amin’izao ».
--------