Anatra (ry sombin'aiko) (Tsiroa)

Tsy ho feno lonilony
ny fonao na dia trotraka
fa mba ho felana mamony
ka ho fitiavana no hiposaka

Ny mamaly ireo ratsy
tsy ho fahazarana ho anao;
fa ny fitiavana manampy
reo piara-belona aminao

Ny miatsara vela-tsihy
tsy mba zava-mahasoa
fa ny fo feno fitia
no tsiry tsara ho tonga voa

Ireo mahantra re tsinjovy
ampio zareo mba ho tafarina
ny fihavanana tandrovy
fa tsy ho kosoky ny marina

ny fihalonana hialao
ny toetra tsara tsy alefa
reo fomba tsara amam-panao
no aoka hiraikitra ho toetra

ny loko-koditra tsy hipaka
tsy hitsarana ny tsirairay
reo mihevitra hanambaka
no ataovy mahamay

reo mpiray fihaviana
aza hiomezana raha lavo
mba ho tena fifaliana
raha nahatratra toeran'avo

ny zava-marina aza avony
hanapenana ny tsy ampy
satria ianao tsy toy irony...
na dia samy Malagasy

ny mandainga re fadio
ny mamitaka tsy hatao
ny fahamarinana takio
Dia olom-banona ianao
--------