Raitra (Tsiroa)

zato fihetsika tsy taitra
zay manintona ny foko
eny tsotra fa manaitra
Toa sary hoso-doko

lay fiteny zay malefaka
mahatonga ahy ho jamba
ho fahatsiarovana hipetraka
ho tantaraiko any afara

zato maso izay mijery
miantefa avy hatrany
tiako ho ahy samy irery
hanorenana ankany

Ny fitsiky toa mibitsika
ny fanahiko tomany
ity volo izay mikifika
izay mitory ny hatsarany

ity fihetsika miangola
mahafatifaty ery
tena tiako na dia mbola
tsy fantatra na ho doria

Dia ho nofy fotsiny ihany
lay hetahetako sa tsia
Ry anjely miangavy
aza tsiny,tena tia

May 11, 2012

( Washington)
--------