ry tanako (vo.sedra )
Mbola tsisy niantsa
(Nalaina tao amin'ny vetso.serasera.org)
Fa nahoana ianao ry tanakoNo mitokona tsy hanoratra
Ireo sento kalom-poko?
Dia 'reo hany mba fananako
Itantarako fo maratra
Sy anafenako toloko
Fa dia nahoana loatra
No feranao ny foko hilaza
'reo narary azy androany?
Henoy 'zato izy efa mitroatra
Midradradradra toy ny zaza
Manovokovoka tomany.
Misento anaty te hikalo
Fa lavi-tiana ka manembona
Te iangavy anao hatrany
Hanoratra 'reo tononkalo
Sy ireo fitia tsy mety levona
Mampilatsaka tomany
Raha mety re, soraty ihany.
Vo.sedra 04/05/2015
20:50
--------
Rohy:
Sokajy :
Aingam-panahy
Mpakafy:
vo.sedra
Hevitra mandeha
andry 1000
(
05/05/2015 03:50)
tena kanto izy zany leroa a!! fa aza terena hanoratra ny tanana raha tsy vonona ny saina e! tena tsara le aingam-panahy
vo.sedra
(
05/05/2015 05:09)
mankasitraka tompoko!
