***AYAYAH… VALO! - AbouNusrayni

Azo vakiana?

***AYAYAH… VALO!

1.Rehefa samy te ho lohany - ireo avara-pahalalàna
Ka mitaona mpino maro  -  mba hanaraka ny azy.
Rehefa ny fitiavan-kely  -  no manjaka tsy igagàna
Rah ilaozam-pitahiana  -  ireo mpino, toa voasazy.***

2.Lasa toa nohadinoina  -  ny tena olan’ny vahoaka;
Ireo zava-manahirana  -  iandrandrany torohevitra.
Fa dia ireo fombafomba -  ankamely sy ampamoaka.
No votoatin-toriteny -  zary atao mampievotra.***

3.Miala amin’ny ankanenjika -  sy ny fifamasohana
Dia ny didy aman-dalàna  -  ireo mety sy tsy mety;
Toriteny maina loatra – tsy mampisy fifantohana.
Indraindray az’ ivavahana – mba ho vita vetivety.***

4.Rehef’ilay  toriteny  -  andrandraina mb’ hampahery;
No toa efa zary tsianjery  -  tsy mampiraik’ intsony.
Hihamarefo ny finoana  -  ka ny hiafarany ho very; ***
Ilay fah’resena lahatra   -  mahatonga ny fo tony.

5.Nisy an’kiray izay   -  tena nahakivy fatratra;
Toriteny tamin’ny andro  -  ngez’ indrindra eto an-tany.
N’ mihety volo tsy azo atao  -  hoy izy, raha namatratra.
Nefa tsy mba n’hazavainy  -  hoe mampaninon’ ary ‘zany! ***

6.Efa fantatry ny maro  -  ireo karazam-pahotàna
Ny mangalatra, ny miady,  -  mitsiriritra,  manatsafa…
Fa ny zavatra manokana  -  nahatonga fandraràna.
Moa tsy tokony hazava  -   mba tsy his’ hitsapatsapa?***

7.Tsy hoe te hampiady rima  - ka mikapoka etoana;
Tsy hoe faly ny hanakiana  -  ka mahita ho tenenina;***
Fa misarika ny saina  - amin’ny tranga manoloana.
Ny hamotserana ny ratsy  -  dia ahitan’izay ho arenina.

8.R’hefa ny fanabeazana  - no atao ambin-javatra;
Hivarilavo ny vahoaka  -  ka ny ratsy no hanjaka.***
Ny fanoroana am-pitiavana  -  no mampahazo vahatra.
Sy antoka hahatonga  -  ilay finoana hiorim-paka.


Zoky ABou Nusrayni
24_10_19

Hametraka hevitra

Midira aloha

Mombamomba

Mpanoratra : AbouNusrayni

Nampiditra : AbouNusrayni
Daty : 24/10/2019
Mpamangy : 93
Mankafy : 0

Tononkalo hafa

ALIDY, AMBASSADEUR-RABLE…
RAHA SITRAKY NY TOMPO na IN SHA’A ALLAH_featuring Maher Zain
TAFANAMBADY DAHOLO…
TSY MIVALO
HAFATRA HO AN’NY MPANKAFIHY…(zaitra)
BANDY AKAMA MITADY, BANDY AKAMA MILAY...
Ity kasiketinao ity RAHL ah !
METEZA HO IRAKA TSARA…
FIKOBONANA...
TENIN-DRENY… FAHENDRENY...