ILAY TENY FIKASANA … - AbouNusrayni

Azo vakiana?

ILAY TENY FIKASANA …

Lava ihany izay efa nombàna
Niaka-nidina nitety tanàna
Rehefa mafy ny hanika mazàna
Mandinindinika ny antony niaingàna

Ireo dia natao raha fakafakàna
Misy tsoa-kevitra tsy azo ialàna
Raha izay heriko no mba itsaràna
Dia malemy, feno fahabangàna

Ny finoako anefa tsy tàna
Mahatoky ilay tany Kanaàna
Manavatsava ireo fitsapàna
Velombolo fa tsy mihanahàna

Na tsy mbola tazana izay hiafaràna
Na nifandimby ireo dona mafàna
Misy antoka tsy isalàna
Dia ireo fisitrahako fahagagàna.

Ny ranjoko nisedra fikapàna
Ireo rano tsy haiko nitàna
Ireo eso, ireo fankahalàna
Tsy nampidona ahy tamin’ny tolàna

Ny làlako mbola mikodàna
Voahitsako ireo menaràna
Ireo mpanatsatso, tavela, midonàna
Satria natao ho resy ny ekipan’i Satàna

Tsy misy olana tsy natao ho vahàna
Ka ny fivavaka no ataoko ho Fakàna
Tolo-tsaina amin’ny fandraharahàna
Dia ho tanteraka ireo teny fikasàna.


Abou Nusrayini
Roapolo Iraika Amby Shaoaly Taona Arivo sy Efajato Telopolo Sivy Amby
Na Dimy Jolay Roa Arivo Folo Valo Amby

Mombamomba

Mpanoratra : AbouNusrayni

Nampiditra : AbouNusrayni
Daty : 08/07/2019
Mpamangy : 330
Mankafy : 0

Tononkalo hafa

Varilavo Alahady…
AZA AVELA HO VERY FOANA…
Le véritable sens du Ramadan
TSY MILA ANTRA I AFRIKA
TRANO ATSIMO SY AVARATRA, IZAY NOANA FAHANO!
MIJANONA AO AN-TRANO
POROFOM-PITIAVANA TOKONY HAMPIBITAKA…
NY LAFY TSARANY…
KODITRA19
SOA FAGNAHY...