NY FOTOANA...AL ANSR, adika teny Malagasy - AbouNusrayni

Azo vakiana?

WA AL ANSR…adika teny Malagasy

1.Ilay Nahary ny lera hanjary ho fotoana,
Raha nanao fianianana tamin’ny anarany.
Dia nilaza faty antoka ho an’ny mpandany foana
Raha tsy hoe tena mino ka ny soa no isasarany.

2.Ny olombelona mifikitra amin’ny fahamarinana
Tsy matahotra  miteny sy mamoaka izany.
Ka ny faharetana  no andry iankinana.
Entiny misedra ireo kiana sesilany.

3.Inona tokoa moa no tiany hambara?
Ny filazana hoe mpino mila arahin’asa soa.
Io koa no porofo ahafantarana tsara;
Fa tsy very ny fotoana ka dia ho votso-droa.

4.Izany anefa tsy tanteraka raha ts’ misy fitoriana;
Ilay marina izay betsaka no tsy zakan’ny olona.
Indraindray mahavoaenjika, mampitondra fahoriana,
Tsy mora atrehina izany fa tena ady sady tolona.

5.Tsy toriteny fotsiny ihany no voakasika amin’io,
Fe eo dia eo koa ny taonan’olona mandroso.
Ny laharam-pahamehan’ny tanora ankehitrio;
Maro diso ny fipetrany, mahatonga fikoroso.

6.Toy ny felam-boninkazo, mahatalanjona jerena;
Voafetran’ny fotoana raha ny bika aman’endriny.
Ny lalanan’ny natiora ve no ahemotra tsy ekena.
Satria hoe mbola maro ireo zavatra kinendriny?

7.Ny fotoana efa very tsy  voasambotra intsony,
Faty antoka miserana ho tsaroana any aoriana.
Aza avela ho very fotsiny fa izany tsy hampitony;
Izay tena mahasoa aza atakalo faniriana.


Zoky Habib
Abou Nusrayni
17_01_20

Hametraka hevitra

Midira aloha

Mombamomba

Mpanoratra : AbouNusrayni

Nampiditra : AbouNusrayni
Daty : 17/01/2020
Mpamangy : 180
Mankafy : 0

Tononkalo hafa

AZA AVELA HO VERY FOANA…
Le véritable sens du Ramadan
TSY MILA ANTRA I AFRIKA
TRANO ATSIMO SY AVARATRA, IZAY NOANA FAHANO!
MIJANONA AO AN-TRANO
POROFOM-PITIAVANA TOKONY HAMPIBITAKA…
NY LAFY TSARANY…
KODITRA19
SOA FAGNAHY...
NY SILAMO SY NY RANO.