MITSIKIA - ANDO ROCHELINAH

Azo vakiana?

MITSIKIA …


Raha mikiky ny adin-tsaina
Izay mandifotra ny aina;
Dia aza mandrotsaka tomany
Fa lalàm-piainana izany

Ny ady, ny tsy fanànana
Aoka tsy ho vato fanakànana;
Milofosa, misalorà toky
Raha mino tsy mba handry fotsy

Ny fahoriana, ny fahafatesana
Mafy tokoa raha iaretana;
Nefa nofo isika, ikorianan-drà
Ka raha lahatra, aza mandà

Ireo olam-pitiavana maharary
Ezaho tsy raketina fa mampijaly;
Aza mitomany izay ho malala
Fa mipoitra eny foana ny anjara

Tadidio…
Ny sompatry ny tany tsy azo ialàna
Ny olon-tiana  mandao, tsy azo raràna
Nefa mitafia faherezana hatrany:
Fa ao ny tsiky, hisolo ny tomany

Mitsikia…
Ny raho-mitatao mbola ho rava,
Ary ny ali-mikitroka tsy maintsy hazava


ANDO ROCHELINAH
andorochelinah@yahoo.fr

Mombamomba

Mpanoratra : ANDO ROCHELINAH

Nampiditra : RAILOVY
Daty : 11/01/2007
Mpamangy : 1447
Mankafy : 0

Tononkalo hafa

TSIAMBARATELONAO RY KANTO
VOAGADRA ROJO VY
Manina havan-tiana
HANOMPO
BOSESEHO
ALEO MANGINA
Malagasy aho
Reviens
Tiako ny miaraka aminao
TSY ORY