VOAGADRA ROJO VY (ANDO ROCHELINAH)

Fitiavana mahajamba
No namatotra ny aina
Ary indrisy fa angamba :
Handreraka ny saina

Voagadra rojo vy
Ny fanahy sy ny fo
Nohelohan’ny sedram-pitia
Tena mahavaky loha

Fitia anaty fonja
No manefika ny aina
Milamina nefa mafonja
Mahafaly, mampahonena

Hatraiza ny fetranao !?
Ry fonjan’ny fitia
Fa toa isan’andro vaky izao
Dia voagadra rojo vy !
Ando Rochelinah
17/07/05
andorochelinah@yahoo.fr
--------