TSIAMBARATELONAO RY KANTO (ANDO ROCHELINAH)
Mbola tsisy niantsa
(Nalaina tao amin'ny vetso.serasera.org)
NY TSIAMBARATELONAO RY KANTO…
Mahavàka tokoa!
Ny fahagagana vitanao
Talenta, tsy manam-paharoa
Fa mipololotra ao anaty ao
Voaborakao ny nofinofy;
Mamelona ny ati-fanahy,
Vitanao koa ny mandrotsirotsy
Raha ketraka ka manahy
Na antoandro be migaina,
Na alina mikitroka
Dia sokafanao ny saina;
Handefa indray ilay ritsoka
Hafa raha samy hafa
Rangotra mifono misitery;
Tsiaro tsy ho voafafa
Harena tsy mamela irery
Koa isaorana ny Mpahary
Fa fanomezana tapitr’ohatra;
Ary iriana hibosesika hatrany
Ny hakantonao ry soratra.
ANDO ROCHELINAH
15 des 2006
andorochelinah@yahoo.fr
--------
Rohy:
Sokajy :
Aingam-panahy
Hevitra mandeha
pietro
(
04/07/2008 14:27)
mahaliana ahy ny hamaky ny tohiny...tonga de fantatrao za e!