Aleko tsisy... (Andriamihaja Johan (H-mainty))

Mbola tsisy niantsa

Hangataka antsa
(Nalaina tao amin'ny vetso.serasera.org)
Aleoko tsisy...

Zovy indrindra moa ianao, ry mpandalo saro-tiavina
Sahy manao soamaroroka amin-damba kararavina ?
Ndrao handatsa ano lahy ‘rony tselatra miantefa
K’aza enti-kiry loatra sao ny aina no manefa
Tsy mba henonao va re, zany kotroka mitrena
‘za akory tsy hitalao, Sanatria, hoe miverena

Fa ny ahy aleoko “Vary soa” hiadanana amim-patsa
Toy izay ‘reo “Hanim-pia” ho sesefana amandatsa
Ny ahy aleoko loharano, kely mitsitapitapy
Toy izay ‘reo manodoka, toa rano ambatolampy
Ny ahy aleoko dia tsy misy, raha fitia mamilafila
Ka mampivadi-po mazàna, toy irony kankan-jila

Eny, ny ahy aleoko tsy mitia, toy izay ampirafesina
Zary toa sanatria, volamena harafesina.

A.L.J.

28-04-05 16h06
--------
Rohy:
Sokajy : fitiavana - fiainana
1526 3
Mpakafy: johan - pouty5 - rainf
Hevitra mandeha
pisokelly ( 02/05/2005 14:04)
lalina be 'lay izy!
fa mba azo fantarina ve we miresaka an'iza?
johan ( 31/05/2005 09:16)
mahatsiaro! asa raha tadidinao?
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0147