IANAO ToKoa ilay VONINKAZO! (ANDRINIAINA1)
Mbola tsisy niantsa
(Nalaina tao amin'ny vetso.serasera.org)
VONINKAZOIanao tokoa ilay voninkazo;
Ilay koloiko tsy halazo.
Ilay tiako ka hajaiko,
Ilay mamiko sy lalaiko.
Voninkazo tena soa;
Tsy mba manam-paharoa
Nanentana fanahy,
Ho afaka ahiahy.
Voninkazo tena tsara;
Tena irina mba ho anjara.
Nanentana ny saina;
Hahay hanaja sy miaina.
Voninkazo tena kanto;
Mampirindra sy milanto.
Nanentana ny tena,
Hiaina am-pahendrena.
Vonikazo tena raitra,
Manintona sy manaitra.
Nambabo ny fo ho tia;
Tsy hivadika doria.
Ianao tokoa ilay voninkazo;
Ilay niriko mba hihazo.
Ilay toerana ato am-poko;
Natokako ho anao tsy foiko.
ANDRINIAINA1.
--------
Rohy:
Sokajy :
Fitiavana